Հայաստանը համարվում է Արևելյան Եվրոպայի ցածր հարկային բեռ ունեցող երկրներից մեկը: Հայաստանում ընդհանուր հարկման համակարգը ենթադրում է ավելացված արժեքի հարկ (ԱԱՀ) 20%, շահութահարկ 18% և եկամտային հարկ 21%: 

Այնուամենայնիվ, տարեկան $220.000-ից պակաս շրջանառություն ունեցող գյուղատնտեսական ապրանքների արտադրողները ազատված են բիզնես հարկերից, իսկ միկրոբիզնես համարվող տնտեսվարող սուբյեկտները, որոնց տարեկան շրջանառությունը չի գերազանցում $55,000 վճարում են 0 բիզնես հարկ և $10 սահմանված եկամտային հարկ: Եթե բիզնեսի տարեկան շրջանառությունը $220.000-ից ցածր է, դուք հնարավորություն կունենաք աշխատել շրջանառության հարկի պարզեցված հարկման համակարգի ներքո` վճարելով միայն 1,5-6% շրջանառության հարկ: Մյուս կողմից, Հայաստանում գործող ՏՏ նորաստեղծ ընկերությունները կամ նորաբաց ընկերությունները, որոնք գործունեություն են ծավալում Հայաստանի սահմանամերձ գյուղերում ևս ազատված են հարկերից: Իսկ հարկային հաշվետվությունները բավականին պարզ և լիովին թվային են, հարկային ռեժիմների մեծ մասի դեպքում ներկայացվում է ընդամենը մինչև 3 ֆինանսական հաշվետվություն հարկային տարվա ընթացքում: