Մոծակ ռազմական դրոնների արտադրություն Հայաստանում

Գալիք հնգամյակում կանխատեսվում է անօդաչու թռչող սարքերի վրա ծախսերի կտրուկ աճ` հաշվի առնելով, որ ընդհանուր առմամաբ միայն վերջին մեկ տարում աշխարհում արվել է 98 միլիարդ դոլարի ներդնում նոր հետախուզական տվյալների հավաքագրման և հարվածային կարողությունների զարգացման համար: Հաշվի առնելով աշխարհում տարածքային վեճերի աճը և ռազմական բյուջեների ավելացումը նույնիսկ COVID19-ի պայմաններում և դրանից հետո՝ անօդաչու թռչող սարքերի պահանջարկը երկրաչափորեն աճում է։ Հիմք ընդունելով նաև Հայաստանի ռազմավարությունը՝ բարեփոխելու իր պաշտպանական համակարգը՝ առաջնային ուշադրություն դարձնելով անօդաչու թռչող սարքերի արտադրությանը, վերջինիս մասով տեղական անօդաչու թռչող սարքերի արտադրությունը դառնում է հույժ կարևոր: «Մոծակ» հարվածային անօդաչու թռչող սարքը երրորդ սերնդի կիսաավտոմատ զենք է, որտեղ օպերատորին միայն անհրաժեշտ է նշել թիրախի կոորդինատները։ Պարզ, համեմատաբար մատչելի, արդյունավետ զենք, որը կարող է օգտագործվել տարբեր տեսակի ուժերում: Ձեռքով արձակումը և փոքր չափերը հնարավորություն են տալիս արձակել գետնից, ապաստարանից, շարժվող և անշարժ օբյեկտներից նույնիսկ հատուկ պատրաստություն չանցած զինվորների համար: Գործարկվում է 1 րոպեում։ Մեկ զինվորը կարող է միայնակ գործարկել բազմաթիվ անօդաչու թռչող սարքեր, որտեղ երրորդ կողմը չի կարողանում որոշել մեկնարկային կետը: Մոդելի երկու տարբերակ կա. երկու մոդելներն էլ պատրաստված են կոմպոզիտային ռադիոթափանցիկ նյութերից և իրենց փոքր չափսերի պատճառով դժվար են հայտնաբերվում ռադարների կողմից։

Պահանջվող ներդրումներ

$1,600,000

622 400 000֏

Շահութաբերություն

17%

Մոծակ Դրոնների Արտադրական Գործարան ՍՊԸ