Հայաստանի արժեթղթերի շուկայում առուվաճառքի ծավալը մեկ տարվա ընթացքում աճել է ավելի քան 8 անգամ: Եթե 2022 թվականի երրորդ եռամսյակում Հայաստանի ֆոնդային բորսայում (AMX) առևտրաշրջանառությունը կազմել է $72,1 մլն, ապա 2023-ի նույն ժամանակահատվածում այն արդեն $602,6 մլն էր։ Հատկապես ուշագրավ է ռեպո գործարքների աճը։ Դրանց ծավալը $11 մլն-ից հասել է գրեթե $502 մլն-ի, ինչպես պարզաբանել են AMX-ում, աճը հիմնականում եղել է եվրապարտատոմսերում՝ պետական և մասնավոր։ Նաև, վերջին մեկ տարվա ընթացքում պետական պարտատոմսերի առևտուրն ազգային արժույթով AMX-ով զգալիորեն աճել է՝ մոտավորապես 50 միլիոն դոլարից հասնելով 101 միլիոն դոլարի (դրամային արտահայտությամբ):
