PicsArt-ը վիդեո հարթակի մշակման համար գնել է ՏՏ ոլորտի մեկ այլ հայկական DeepCraft ընկերություն, որը մասնագիտացված է արհեստական բանակության ոլորտում։ «DeepCraft»-ը, որը հիմնադրվել է Հայաստանում 2017 թվականին, մասնագիտացել է տեսանյութերի և պատկերների մշակման ոլորտում, իսկ «Picsart»-ն առաջին միաեղջյուրն էր երկրում։ Նրա համահիմնադիրներ Արմեն Աբրոյանը (Գլխավոր տնօրեն) և Վարդգես Հովհաննիսյանը (CTO) ավելի քան 20 տարի զբաղվում են արհեստական բանականությամբ և մեքենայական ուսուցմամբ: DeepCraft-ի թիմն աշխատել է մի շարք հաճախորդների հետ, այդ թվում՝ Krisp-ի, PatriotOne-ի և նույնիսկ Հայաստանի կառավարության: Այս աշխատանքն ավարտված է, և թիմն այժմ կսկսի աշխատել Picsart-ի երևանյան գրասենյակից։ Գործարքը գնահատվում է միլիոնավոր դոլարներ։
Picsart-ը Կալիֆոռնիայի Սան Ֆրանցիսկո և Հայաստանի Երևան քաղաքներում գործող տեխնոլոգիական ընկերություն է, որը մշակում է առցանց լուսանկարների և տեսանյութերի խմբագրման Picsart ծրագրերի փաթեթը՝ սոցիալական ստեղծագործական համայնքի հետ միասին։ Հարթակը թույլ է տալիս օգտվողներին նկարել և խմբագրել նկարներ ու տեսանյութեր, և պատկերները կիսել Picsart-ի և այլ սոցիալական ցանցերում։ Picsart-ը նաև առաջին հայկական միաեղջյուր ընկերությունն է, որի շուկայական արժեքը գնահատվել է ավելի քան 1 մլրդ. դոլար:
ՏՏ ոլորտը Հայաստանում աննախադեպ աճ է գրանցել վերջին 10 տարվա ընթացքում` գրանցելով 23% միջին տարեկան աճ: Վերջին 2 տարվա ընթացքում Հայաստանի ստարտափ ավելի քան 20 ընկերություն ստացել են միասին 700 մլն. դոլար ներդրում: ՀՀ ստարտափները ազատված են բիզնես հարկերից, իսկ աշխատողների համար եկամտային հարկը կազմում է 10%: 2021 թվականի տվյալներով Հայաստանում գործող ՏՏ ընկերությունների ընդհանուր շրջանառությունը հատել է 1մլրդ. դոլարի սահմանը: Ոլորտում 2021 թվականի տվյալներով աշխատում են 29.000 մասնագետ:
