LuMa CoffeeShop

Թիմի մասին Մեր թիմը կազմավորվել է 2022 թվականին։ Թիմի անդամներից շատերը ունեն ֆիզիկական հաշմանդամություն, սակայն այդ խնդիրները չեն սահմանափակում նրանց նպատակները և ցանկությունները։ Մենք ունենք ընդհանուր գաղափար՝ ստեղծել սրճարան, որը տարբերվելու է իր ֆորմատով, գործառույթներով։ Գաղափարի հիմնադիրները ունեն մասնագիտական կրթություն, փորձ սպասարկման ոլորտում, իսկ մյուս թիմակիցները ունեն մի շարք տաղանդներ և հմտություններ։ Ներդրումային Նախագծի Նկարագիր Հաշվի առնելով այն հանգամանքը, որ պատերազմից հետո ֆիզիկական հաշմանդամություն ունեցող մարդկանց, տեղահանվածների թիվը կտրուկ աճել է, մենք ցանկություն ունենք բացել սրճարան, որտեղ թիմակիցները և հաճախորդները անկախ իրենց կարողություններից կկարողանան ինքնաարտահայտվել, ազատ ստեղծագործել, շփվել տարատեսակ մարդկանց հետ, ինչը կնպաստի նրանց զարգացմանը, առաջխաղացմանը և նոր ծանոթությունների ձեռքբերմանը։ Սրճարանը ունենալու է 2 կոմպոնենտ՝ հիմնական սրճարան իր աշխատանքային վայրով և արհեստանոց։ Սրճարանում պարբերաբար իրականացվելու են սեմինարներ, քննարկումներ, դասախոսություններ, ներկայացումներ, համերգներ, որոնք ուղղված են լինելու հայկական մշակույթի զարգացմանը, կարծրատիպեր կոտրելուն։ Մեր գլխավոր նպատակը անհիմն և զարգացմանը խանգարող կարծրատիպեր կոտրելն է, իսկ դրանք բավականին շատ են։ Արհեստանոցում ստեղծելու ենք <<Խոսող կտավներ>>, որոնք նույնպես ունենալու են հստակ թեմատիկա, ներկայացնելու են հայկական մշակույթը նորովի մոտեցումներով։ Մեր թիմակիցների մի շարք տաղանդները և հմտությունները օգտագործելով՝ խրախուսելու ենք սահմանափակ կարողություններ ունեցող մարդկանց ստեղծագործել և շարունակել իրենց գործունեությունը։ Որպես հետագա նպատակ՝ մշակել ենք առանձին բիզնես նախագծեր նմանատիպ սրճարանի համար, որը պետք է բացվի արդեն սահմանամերձ դարձած Գորիս քաղաքում։ Մենք վստահ ենք, որ կկարողանանք ստեղծել մշակութային, երիտասարդական միջավայր, որտեղ ժամանցը և կրթությունը կարող են համատեղվել, որտեղ մարդիկ կարող են ազատ արտահայտվել, ստեղծագործել, նոր լուծումներ փնտրել, գաղափարներ իրականացնել և ի վերջո այդ ամենը իրականացնել հանուն երկրի զարգացմանը, առաջխաղացմանը։ Այս պահին մեզ հարկավոր է ֆինանսական աջակցություն գաղափարը իրականություն դարձնելու համար։ Շնորհակալություն ուշադրության համար, հուսով ենք, որ դուք կդառնաք մեր սրճարանի լավագույն հաճախորդներից։ Սիրով՝ ԼուՄա թիմ։

Պահանջվող ներդրումներ

$80,000

31 120 000֏

Շահութաբերություն

30%

Մարգարիտ Հարությունյան ՍՊԸ