Միջազգային մետաղների արդյունահանման հոլդինգ GeoProMining-ը 71 000 000 ԱՄՆ դոլարի ներդրում է կատարում Հայաստանում պղնձի վերամշակման ծավալները մեծացնելու համար։ GeoProMining-ը երեք ակտիվ ունի երկու երկրներում՝ Ռուսաստանում և Հայաստանում։ Տեխնոլոգիաներում ռազմավարական ներդրումները և սեփական գիտելիքների կիրառումը ընկերությանը հնարավորություն են տվել բարձրացնել արդյունավետությունը և կտրուկ բարելավել արտադրական գործընթացները, ինչն իր հերթին հանգեցրել է Ռուսաստանում և Հայաստանում գտնվող իրենց ակտիվների ներուժի իրացմանը:

Այս տարի GeoProMining-ը մտադիր է ավելի քան 65 մլն ԱՄՆ դոլար ներդնել Զանգեզուրի պղնձամոլիբդենային կոմբինատի արդիականացման համար, որտեղ այն կառավարող ընկերությունն է։ Նախատեսվում է պղնձամոլիբդենային հանքաքարի վերամշակումը 2021 թվականին 17,6 միլիոն տոննայից հասցնել 22 միլիոն տոննայի 2022 թվականին, ինչը 25 տոկոսով գերազանցում է նախորդ տարվա փաստացի ցուցանիշները։

Ագարակի պղնձամոլիբդենային կոմբինատում ընդհանուր ներդրումները 2022 թվականին կկազմեն ավելի քան 6,1 մլն դոլար, ներդրումներն ուղղված են լինելու ֆլոտացիոն մեքենաների պարկի թարմացմանը, ինչպես նաև այլ հիմնական միջոցների թարմացմանը, ինչը կհանգեցնի մետաղի արտադրության ավելացմանը։

Ըստ ՀՀ Ազգային վիճակագրական կոմիտեի տվյալների՝ Հայաստանում արդյունաբերական արտադրանքի ծավալը 2022 թվականի հունվար-փետրվարին կազմել է 365,2 մլն դրամ (ընթացիկ գներով)՝ 2021 թվականի նույն ժամանակահատվածի համեմատ ավելանալով 9,7%-ով։