Բիզնեսի Նկարագիր

«Մարտին Սթար» ընկերությունը հիմնադրվել է 2007 թվականին և սկսել է իրականացնել «От Мартина» ապրանքանիշի արևածաղկի սերմերի արտադրությունն ու վաճառքը: Ընկերությունը 2009թ-ից սկսել է արտադրել տարբեր համերի կարտոֆիլային չիպսեր: Իսկ 2010 թվականից զարգացրեց արտադրության նոր ճյուղ`պահածոների արտադրություն: Ուսումնասիրելով ազգաբնակչության հարաճուն պահանջները` 2013թ-ից ձեռնարկությունը սկսեց թողարկել պտղային բազմատեսակ կոմպոտներ և հյութեր, որոնք կհամալրեն ազգաբնակչության ուտեստի տեսականին: 2021թ-ից «Մարտին Սթար» ընկերությունը սկսեց իր համար նոր և տարբերվող արտադրատեսակի՝ կաթնային պաղպաղակի արտադրությունը։ Իսկ ահա 2022թ-ին, իր սպառողին ներկայանալով հերթական նոր ապրանքանիշով, ընկերությունը սկսեց սև և 3-ը 1-ում սուրճերի արտադրությունը։ Սպառողների համար անվտանգ և սննդային բարձր արժեքով սննդամթերք ապահովելու շրջանակներում կազմակերպությունը առաջնորդվում է ԻՍՕ 22000 միջազգային ստանդարտների պահանջներով: